குவாண்டம் என்றொரு புலி

குவாண்டம் என்றொரு புலி
====================================ருத்ரா.இபரமசிவன்

குவாண்டம் இயற்பியல் எங்கும் இருக்கும்.எதிலும் இருக்கும்.நீல்ஸ் போர் ஹெய்ஸன்பர்க ஸ்க்ரோடிங்கர் ஃபெய்ன்மன் பெல் பி.ஏ டிராக் போன்ற உலக விஞ்ஞானிகள் செதுக்கி செதுக்கி இதன் உருவத்தை "பிண்டம் பிடிக்க"முடியுமா?என்று செய்திருக்கும் முயற்சிகளில் எல்லாம் நுண்கணிதம் நுழைந்து பார்த்து அதன் "பல்லை (பல்ஸை)" பிடித்துப்பார்க்க முயன்று இருக்கிறது.

ஆனால் "பொய்மை வாய்மையிடத்த"..என்ற வள்ளுவர் குறள் மட்டுமே குவாண்டம் கோட்பாட்டை சரியாக கணித்திருக்கிறது."வாய்மையின் அர்த்தமே பொய்மை தான்"என்று நான் சொன்னால் உங்களுக்கு எப்படியிருக்கும்?ஆம்.இப்படியொரு மயக்கத்தை ஏற்படுத்திய விஞ்ஞான கோட்பாடு எது என்றால் அது "குவாண்டம் கோட்பாடு" தான்.

"இருக்கும் ஆனால் இருக்காது " என்ற காமெடி பீஸ் தான் இக்கோட்பாடு.துகள் (பார்டிகிள்) இருப்பிடம் (பொசிஷன்)எனும் புள்ளியிலிருந்து அதன் நகர்ச்சி அல்லது உந்தம் (மொமென்டம்) நிகழ்ந்து முடிந்த நிலையை அளவு படுத்துவதே குவாண்டம் ஆகும்.


அண்டம் என்பது எல்லையற்ற பேராற்றல் அடர்த்தியான துகள் பற்றியது.அங்கே பில்லியன் பில்லியன்..ஒளியாண்டுகள் கூட ஏதோ கொசுக்களின் பரிமாணம் தான்.20 ஆம் நூற்றாண்டின் முற்பகுதி வரைக்கும் விஞ்ஞானிகள் இந்த பெரும் பரிமாணங்களில் (மேக்ரோ டைமன்ஷன்ஸ்)மட்டுமே தங்கள் இயற்பியல் சூத்திரங்கள் கொண்டு வேலி முடைந்து கொண்டிருந்தனர்.உலகப்புகழ் பெற்ற ஐன்ஸ்ட்டீனின் பொதுச்சார்பு (ஜெனரல் ரிலேடிவிடி) எல்லாவற்றையும் மறைத்த நிழலாய் இருந்தது.ஆனால் 1900ல் மேக்ஸிம் ப்ளாங்க் ஒரு அடிப்படையான மிக மிக நுண்ணிய துகள் அல்லது ஆற்றல் துளி என்னவாக இருக்கும் என்ற கணக்கீட்டைத்துவக்கினார்.அதற்கும் ஐன்ஸ்ட்டின் கண்டுபிடித்த "ஒளி மின் இழைவு கோட்பாடு"(ஃபோட்டொ எலக்ட்ரிக் எஃப்ஃபெக்ட்) தான் பாதை போட்டது.அதன் பிறகு விஞ்ஞானிகளின் குறி இந்த "நுண்ணிய பரிமாணம்"நோக்கி (மைக்ரோடைமன்ஷன்ஸ்) தாவியது.1913ல் நீல்ஸ் போர் குவாண்டம் இயக்கவியலை (குவாண்டம் மெக்கானிக்ஸ்) அறிவித்தார்.


தமிழில் புலி என்பது வேங்கை என்று சொல்லப்படும்.சங்கத்தமிழில்
வேங்கை மரத்தின் வரிகள் போன்றே புலியும் இருப்பதால் அதுவும் வேங்கை எனப்படும்.இங்கு குவாண்டம் தியரி பொசிஷன் (இருப்பிடம்)
மற்றும் "உந்துவிசை" (மொமென்டம்)இரண்டயும் கட்டிப்போட நினைக்கிறது.ஆனால் ஹெய்ஸன்பர்க உறுதியில்லா கோட்பாட்டின் படி (அன்செர்டன்டி பிரின்சிபிள்) இந்த இரு மதிப்புகளையும் ஒரு சேர ஒரே புள்ளியில் காண இயலாது.வேங்கைக்கு மரம் தெரியாது.அது வேங்கையாகவே தெரியும்.இப்படி ஒரு நிச்சயமற்ற காட்சிக் குழப்பத்தாலே தான் குவாண்டம் கூட ஒரு புலியானது.அது நாம்
கை காட்டி நிற்பதற்குள் பாய்ந்து மின்னலாய் மறைந்து விடும்.குவாண்டமும் அப்படித்தான்.

குவாண்டம் சேயாஸ்

குழம்பியத்தின் அளபடை
(குவாண்டம் சேயாஸ்)
=================================================ருத்ரா
(QUANTUM CHAOS)



 குழம்பியம் என்பதே ஒரு இயற்பியலின் மைய வீச்சு ஆவதற்கு காரணம் "இயற்கையின் ஒற்றையா?ரெட்டையா?" விளையாட்டு தான்.நடக்கும் நடக்காது எனும் வடிவேலுவிஸம் கணித விஞ்ஞானத்தில் நிகழ்தகவு (ப்ராபபலிடி)எனப்படுகிறது.ஹெய்ஸன்பர்க என்ற விஞ்ஞானி குவாண்டம் கோட்பாட்டை தலைகீழாக திருப்பி விட்டார்.ஆற்றல், துகள் அல்லது துகளின் இருப்பிடம் (மொமென்டம் அன்ட் பொசிஷன்) இரண்டின் நிகழ்தவை தனித்தனியாய் கையில் பிடித்து குவாண்டம் (அளபடை)சொல்ல முடியுமா என்ற அவரது கேள்வி இன்றைக்கும் பல புதிய கண்டுபிடிப்புகளுக்கு வாசல்கள் திறந்து வைத்திருகின்றது என்பதில் ஐயமே இல்லை.





எதற்கும் கட்டுப்படாத எந்த திசைக்கும் குறி வைக்காத விசைப்பாடுகள் அல்லது நகர்ச்சி நிகழ்வுகள் இயற்பியலில் குழம்பியம் (சேயாஸ்) எனப்படுகிறது.விஞ்ஞானிகள் எதையும் கட்டுப்பாடுகள் எனும் கட்டம் கட்டி அதற்குள் எல்லா கட்டறுத்த நிகழ்வுகளையும் முளையடித்து ஆராய்ச்சி செய்து பார்க்க முயலுவார்கள்.குழம்பிய விசைகள் இருவகைப்படும்.ஒன்று ஒரு மையத்தை நோக்கி ஒருங்கும்.இன்னொரு வகை அல்லது இதற்கு எதிர்ப்பான‌ வகை மையத்தை விட்டு வெளியே விரியும்.முதல் வகையை ஈர்ப்பிகள் (அட்ராக்டர்ஸ்) என்கிறார்கள்.ஈர்ப்பி எனப்படும் போது குழம்பிய விசைகள் மையத்தோடு தொடர்பு உடையதாக இருக்கும் என நீங்கள் கருதினால் நீங்கள் ஏமாந்து போவீர்கள். இந்த குளறுபாடுகள் (சேயாஸ்)பற்றியும் கூட ஒரு கணிதவியல் இயற்பியல் சமன்பாடு நிறுவ முடியுமா என்பதே விஞ்ஞானிகளின் கனவு.இதில் துல்லியமாய் ஒன்றும் இரண்டும் மூன்று என்பது போல் ஒரு கணிதம் கண்டுபிடித்து விட்டார்களேயானால் அப்புறம் பில்லியன் டாலர் லாட்டரி கூட‌ நமக்கு சுகமாய் விழுங்கும் அல்வாத்துண்டுகள் ஆகி விடுமே.மேலும் திடீர் நில நடுக்கங்களை எதிர்பார்த்து கணக்கிட்டு உயிர்ப்பலிகள் நிறுத்தப்படலாமே. ஆம்.மனித  அறிவு அதை நோக்கி பயணிக்கிறது.கோடியில் ஒரு பங்கு துல்லியம் கூட இன்னும் கைப்படவில்லை.எனவே கண்ணுக்குத்தெரியாத‌ நம் நுண்கருவிகளுக்கும் எட்டாத அந்த நுட்பமான "நெற்றிக்கண்"ண்ணின் இமைகளை உரித்து விழிக்க வைக்க மனிதன் தன் முயற்சியை நிறுத்தவே இல்லை.இந்த கண்ணோட்டத்தோடு கடவுளைக்கூட சோதனைக்குழாயில் போட்டு குலுக்கியெடுத்துவிட மனிதன் விரும்புகிறான்.அதன் வெளிப்பாடே தீர்வியல் குழம்பியவியல்  அல்லது குளறு பாட்டியல் கோட்பாடுகள் ஆகும்.(தியரி ஆஃப் டிடர்ன்மினிக் சேயாஸ்)
யாருக்கும் அடங்காத அந்த "அடங்காப்பிடாரி"ப்புள்ளி (இப்போதைக்கு நாம் அதை ஒரு புள்ளியாகத்தான் உருவகம் செய்து கொள்ளவேண்டும்)
ஏதோ ஒரு இடத்தில் ஆட்டம காட்டிக் கொண்டிருப்பதாகக் கொள்வொம். அதை எப்படி அணுகலாம் என்று இயற்பியல் கணிதவியலாளர்கள் எப்படியெல்லாம் வலை வீசுகிறார்கள்என்று பாருங்கள்.மிக வேடிக்கையாக இருக்கும்.அந்த புள்ளியின் நிலைப்பாடும் நகர்ச்சியும் இங்கு அலசி ஆராயப்படுகிறது. அவை யாவன:----

(1) நிலைத்த புள்ளி (ஃபிக்சட் பாயிண்ட்)

(2) வளைவிடப் புள்ளி (சேடில் பாயிண்ட்)

(3) நிலையற்ற புள்ளி (அன்ஸ்டேபிள் பாயிண்ட்)

(4) வரம்பு வட்டநிலைப்புள்ளி (லிமிட் சைகிள்)

(5) இரு சுழல் வளையப்புள்ளி (பை பீரியாடிக் டோரஸ்)